有打機癮的男人,希望有爸打絲打幫忙解決(打左好多字=.=)

rowland517

我好痛苦,好想有人幫我解決我的問題,唔想再諗,當我唔諗或忘記左呢個問題,我就會想打機,當我知道打機唔好的時候,已經太遲,我未識我愛的人已經係咁,因為我打機,我失去我的學業,家人,事業,我唔想再因為打機再失去埋我愛的人,但機癮我由十幾歲想戒都未戒到,小學5-6年級開始打機,打到中學,令我讀唔到書,家人多次比機會我改過直至中三,我家人比左我最後一次機會,送我過澳洲讀書,讀左兩年半,我屋企唔係有錢,我老豆同親戚借左幾十萬比我讀書,岩岩過澳洲讀英文班,又冇錢,我都可以走堂去機鋪睇人打機,睇成2-4個中,到我係澳洲讀中學,我又偷偷地去機鋪打機,2年半之後返返泥香港,我老豆放棄比機會我了,之後有2年我都係冇目標,有錢都係照去打機,跟住1年半前我識左我衣家女朋友,佢對我好好,冇人比佢對我更好,之前果20年人生,我都未試過有咁愛人個人,但係佢或有人講"你愛一個人就可以為佢改變任何野",我識左佢之後有試過多次戒打機,但是係咪因為我唔夠愛佢而改變唔到呢,我有多次問心自己是否真心愛佢,我同佢有嘈過幾次,我會為左失去佢而覺得恐懼,我會覺得我的人生唔可以冇左佢,但係我只可以減小我打機,只唔可以唔打機,我多次想打機,佢唔中意,我都會哀求佢比我打,佢有時會比我打,但佢唔開心,令我覺得比唔打更難受,佢真係唔想打,我唯有忍受機癮唔打,心情都唔會好過,我衣排覺得,我係愛我女朋友,而我係中意打機,我為左呢件事煩惱左好耐,我成日都訓唔著,一個咁好的女仔因為我而糟蹋左佢的時間同青春比我,如果再係咁落去,我真係唔想行到最後一步,我由小以來的性格都好樂觀,凡事都會各好方面諗,但係呢排我唔知點解會有自殺的諗法,成日同人講自殺係一個好白痴的行為,點知原來我都只係一個白痴.如果有人知道點樣解決呢個問題希望你講比我知

'EunJung

都係要靠自己既定力,人地最多都係用口勸你,人體思想係你自己既,始終要靠自己意志力黎戒

炎龍君

算啦,愛一個人請愛他所有

MILK_B

過去就比他過去,,,
只要將來/現在做事要諗清楚..
會不會傷害到身邊既人..

sls19207

有第二樣嗜好就可以

JasperMS

除了打機，找一些其他的目標
相信自己，你一定可以成功的！

但丁1

重點唔係戒唔戒機癮, 而係可唔可以搵一個比機癮更好既興趣去消磨自己既精力...你如果嫌打機悶可以返工..

或者搵一個你鐘意既人去學習所需照顧技能, 唔覺唔覺你會有改變...

pksky

咁你要問下自己 打機重要D 定係身邊既人重要D
咁你就會識得做

乂冰之魂乂

自已打機其實為左乜 可以令你放棄到呢個地步??
其實幾時戒都唔會遲 關鍵睇你有冇行出第1步!
得不到和已失去 不是最重要的 不用把腦袋放在這個循環之中
最重要既 係珍惜你現在眼前還擁有的。捉緊向前走
只有從痛苦 悲傷走出縱前 ,不是為求忘記傷痛 只為了明天及活下去的意思!